ترامپ ۴ ایلدیر حاکمیتدن کناردا قالیب و بو مدت عرضینده دلارین موقعیی زدلنیب.

Axar.az خبر وئریر کی، بونو روسیا پرزیدنتی ولادیمیر پوتین دونالد ترامپین دلاردان امتنا ائتمک ایسته‌یه‌ن بریکس عضولرینه مراجعتینی شرح ائدرکه‌ن دئییب.

«یئنی سئچیلمیش پرزیدنت دؤرد ایلدیر کی، آغ ائوده اولماییب و بو مدت عرضینده اقتصادیاتدا، دنیادا و آمریکا اقتصادیاتین‌دا معین دییشیکلیکلر باش وئریب. اونون داوام‌چیلاری، سیاسی رقیبلری دلارین دنیا احتیاط والیوتاسی کیمی فوندامنتال اساسلارینی سارسیتماق اوچون چوخ ایشلر گؤروبلر»، - دئیه‌ن پوتین، بو گون دلاردان باشقا اؤلکه‌لره ضرر وئرمک اوچون سیاسی و بلکه ده سلاح‌لی مبارزه‌نین آلتی کیمی استفاده اولوندوغونو وورغولاییب.

قید ائدک کی، ترامپ دلاردان امتنا ائتمک ایسته‌یه‌ن بریکس عضولرینه مراجعتینده اونلاری گمرک روسوملارینین تطبیقی ایله هده‌له‌ییب.