سوریادا بشار اسد رژیمی عصیان‌چیلارین هجومو نتیجه‌سینده سقوطا اوغراسا، روسیا آرالیق دنیزینده‌کی یگانه حربی بازاسینی ایتیره‌جک. بو، روسیانین اوکرایناداکی سعیلری اوچون دراماتیک نتیجه‌لر وئره بیلر.

Axar.az خبر وئریر کی، بو باره‌ده "تلگراف" نشرینین حربی یازاری داوید آکس بیلدیریب.

او قید ائدیب کی، عصیان‌چیلار آرتیق اؤلکه‌نین ان بؤیوک شهری حلبی اله کئچیریب و مهم حما شهرینه یاخینلاشیرلار:

"اگر حکومت علیهینه قوه‌لر حمانی اله کئچیره بیلسه‌لر، اونلارین آرالیق دنیزی ساحللرینه - روسیا دونانماسینین آرالیق دنیزینده‌کی یگانه بازاسینین یئرلشدیی طارطوس لیمان شهرینه - لاتاکیا بؤلگه‌سینه دوغرو هجوم پرسپکتیوی اولاجاق.

طارطوسو ایتیره‌ن کرمل چتین سئچیم قارشی‌سیندا قالا بیلر: اوکراینادا مباریزه‌نی داوام ائتدیرمک و آرالیق دنیزی رگیونوندا تأثیرینی ایتیرمک، یا دا اوکراینا ایله صلح باغلاماق و دونانماسی اوچون تورکیه بوغازلارینی آچماق".

قید ائدک کی، مسکوا بو بازادان ۱۹۷۰-جی ایللردن استفاده ائدیر. ۲۰۱۷-جی ایلده روسیا و سوریا ۴۹ ایللیک مقاویله امضالاییبلار کی، بو دا مسکوایا طارطوسا داها دا گئنیش چیخیش امکانی وئریر.