بیز ایندییه قدر اردوغانی دستکلدیک. ۲۰۱۵-جی ایلده تورکییه ایله گرگینلیین قارشی‌سینی آلماغا چالیشدیق و فتو چئوریلیشی زمانی اردوغانا چوخ کمک ائتدیک. سوریا مسئله‌سی بیزیم اوچون چوخ آغریلیدیر. دوشونوره‌م کی، بو، اردوغان اوچون استراتژی سهو ایدی. کمالیست ایدئیاسی تورکییه‌نی اؤز سرحدلری داخیلینده مدافعه ائتمک ایدی.

Axar.az خبر وئریر کی، بونو روسیالی اولترا-محافظه‌کار فیلوسوف و «روس دنیاسی»نین ایدئولوگو آلکساندر دوگین اؤزونون ایکس صحیفه‌سینده یازیب.

«اسلام‌چی‌لیق تورکییه‌نین دوشمنی‌دیر. عرب بؤلگه‌سی تورکییه رهبرلییی ایله هئچ واخت راضیلاشمایاجاق. سوریاداکی کوردلر غربین دستیی ایله گوجلرینی محکملندیرمه‌یه چالیشاجاقلار. سوریادا روسلار اولمادان اردوغان چوخ اهمیتلی متفیقینی و دوستونو ایتیریر.

روسیا ایله تورکییه آراسیندا چوخلو علاقه‌لر وار. اونون داورانیشی آچیق شکیل‌ده اسرائیلین و او زمانکی گلوبالیستلرین خیرینه‌دیر. بو، کدرلیدیر. روسیا غربین تقدیم ائتمک ایستدیی قدر ضعیف دئییل. من حساب ائدیره‌م کی، بو، اردوغان طرفینده سهو حسابلاما ایدی»، - دوگین بیلدیریب.