فرانسا پرزیدنتی امانوئل ماکرون پولشانین باش ناظری دونالد توسکلا وارشاوادا گؤروشه‌رک، اوکراینادا محاربه‌دن سونراکی صلح‌مراملی قوه‌لرین یئرلشدیریلمه‌سی مسئله‌سینی مذاکیره ائد‌جک.

Axar.az خبر وئریر کی، بو باره‌ده "پولیتیکو"یا آوروپا بیرلییی دیپلماتی و فرانسا رسمی‌سی معلومات وئریب.

پولشانین «رزجزپوسپولیتا» قزئتین‌ده ایکی اؤلکه‌نین دیگر اؤلکه‌لرین حرب‌چیلریندن عبارت پوتنسیال ۴۰ مین نفرلیک صلحمرام‌لی میسییانی مذاکره ائتدیینه دایر خبرله باغلی سوالا جواب وئره‌ن آوروپالی دیپلمات بونو تصدیقله‌ییب. لاکین او، حربچیلرین هانسی اؤلکه‌لردن گتیریله بیلجیینی آچیقلاماییب.
عینی زمان‌دا، پولشا رسمی‌سی متفیقلرین ماکرونون تکلیفیندن تعجب‌لندیینی وورغولاییب.

دیپلماتین سؤزلرینه گؤره، صلحمراملی میسییالارلا باغلی قرارلار فرانسا پرزیدنتی ایله ایکی‌طرف‌لی مذاکره‌لر چرچیوه‌سینده دئییل، ب.ام.ت و یا آ.ت.ا.ت چرچیوه‌سینده قبول ائدیلمه‌لیدیر. رسمیلرین فکرینجه، پولشا قوشونلارینین اوکراینایا گؤندریلمه‌سی یالنیز ناتو فورماتیندا معنا کسب ائده بیلر.

نشر قید ائدیب کی، خارجی قوشونلارین اوکراینایا یئریدیلمه‌سی روسیا پرزیدنتی ولادیمیر پوتینین گله‌جکده محاربه‌یه باشلامایاجاغینا ضمانت وئره بیلر.