ولادیمیر پوتینین زنگی (پرئیدنت ایلهام علیئوه - رئد.) و عذر ایسته‌مه‌سی حقیقتاً هوا مکانیمیزداکی وضعیته گؤره مسئولیتین تانینماسی دئمکدیر (آخی عذر ایستنیلیب)، لاکین روسیا هوا هجوموندان مدافعه سیستمینین گناهینین تانینماسی دئمک دئییل — گناهکارلیق مسئله‌سینی سونرادان کونکرت آد و سویادلارلا استنتاق معین ائد‌جک.

Axar.az خبر وئریر کی، بونو روسیالی پولیتولوگ آلکسی ناوموو دئییب.

«حساب ائدیره‌م کی، بو، فاجعه‌نین نتیجه‌لرینین سیاسی حلینین یالنیز باشلانغیجی‌دیر. هم ده تظمینات اؤد‌مک اوچون تقصیری اعتراف ائتمک لازیم دئییل - مسئولیتی اعتراف ائتمک کفایت‌دیر، بونا بنزر حاللار دفعه‌لرله اؤزونو گؤستریب («بو، بیزیم سمامیزدیر و بیز بورادا طیاره‌لرین حرکتینین تهلوکسیزلیینی تعمین ائدیریک»). بیز ده بو حادثه‌نی ایزلییریک و نئجه دئیرلر، متفیق‌لیک چرچیوه‌سینده نظاملانمایا امید ائدیریک»، - او بیلدیریب.

قید ائدک کی، روسیا پرزیدنتی ولادیمیر پوتین دکابرین ۲۸-ده آذربایجان پرزیدنتی ایلهام علیئوه زنگ ائدیب. تلفن دانیشیغی اسناسیندا پوتین دکابرین ۲۵-ده باکی-گروزنی مارشروتو اوزره اوچوش یئرینه یئتیره‌ن آذربایجان هوا یوللارینا مخصوص سرنیشین طیاره‌سینین روسیانین هوا مکانیندا فیزیکی-تکنیکی کاراکترلی کنار مداخیله‌یه معروض قالماسی و نتیجه‌ده باش وئرمیش فاجعه‌وی حادثه ایله باغلی عذر ایسته‌ییب.