اوکراینا ناتو ضمانتلرینی یالنیز نظارت ائتدیی اراضیلره شامل ائتمه‌یه راضی‌دیر و بونو مناقیشه‌نین دیپلماتیک حلینه آپاران یول کیمی گؤرور.

Axar.az خبر وئریر کی، بو فکری آمریکالی ژورنالیست لکس فریدمانا مصاحبه‌سین‌ده اوکراینا پرزیدنتی ولادیمیر زلنسکی دئییب.

«ناتو اوکراینانین نظارتینده اولان حیصه‌ده فعالیت گؤستره بیلر. بونونلا راضیلاشا بیلریکمی؟ من امینم کی، بئله‌دیر. بو، بیزیم اوچون او قدر ده بؤیوک اوغور دئییل، اما محاربه‌نی دیپلماتیک یوللا بیتیرمک یولونو گؤروروکسه، دئمه‌لی، بو، بیرینجی‌دیر. ایکینجی‌سی، حربی یاردیم‌دیر»، - دئیه او وورغولاییب.

زلنسکی علاوه ائدیب کی، حتی آتشکس اوچون کیئوه اوکراینانین نظارتینده اولان اراضینین تهلوکسیزلیینه ضمانت لازیم اولاجاق:

«صحبت آتشکس‌دن گئدیرسه، او زمان آیدین باشا دوشملیییک کی، نظارت ائتدییمیز اراضیلر اوچون تهلوکه‌سیزلیک تأمیناتلاری وار».