پرزیدنت پوتین دفعه‌لرله بین‌الخالق لیدرلرله، او جمله‌دن آمریکا پرزیدنتی و خصوصاً ده دونالد ترامپلا تماسلارا آچیق اولدوغونو بیلدیریب.

Axar.az خبر وئریر کی، بونو روسیا دولت باشچی‌سینین مطبوعات کاتیبی دمیتری پسکوو دئییب.

اونون سؤزلرینه گؤره، ایکی سیاسی لیدر آراسیندا گؤروش اوچون هئچ بیر ایلکین شرطه احتیاج یوخدور:

«پرزیدنت اؤزو ده بو باره‌ده دفعه‌لرله دانیشیب، بیز ده بو باره‌ده دفعه‌لرله دانیشمیشیق. بونون اوچون هئچ بیر شرط طلب اولونمور. دیالوگ آپارماق و موجود پروبلملری دیالوگ یولو ایله حل ائتمک اوچون قارشی‌لیقلی ایستک و سیاسی ایراده طلب اولونور. بیز گؤروروک کی، جناب ترامپ دا پروبلملری دیالوگ یولو ایله حل ائتمه‌یه حاضر اولدوغونو بیان ائدیر. بیز بونو آلقیشلاییریق. گؤروشون تشکیلی ایله باغلی هله‌لیک کونکرت معلومات یوخدور. قارشی‌لیقلی گؤروشه حاضر اولماق فرضیه‌سین‌دن چیخیش ائدیریک. چوخ گمان کی، جناب ترامپ اوال اوفیسه داخل اولدوق‌دان سونرا معین حرکتلر اولاجاق».

قید ائدک کی، آمریکانین یئنی سئچیلمیش پرزیدنتی دونالد ترامپ روسیا پرزیدنتی ولادیمیر پوتینین اونونلا گؤروشمک ایستیینی و طرفلرین بئله بیر گؤروشه حاضرلاشدیغینی بیلدیریب.