دانیشیقلار مقاومتی عوض ائده بیلمز. ایستر آمریکا ایله، ایسترسه ده آوروپا ایله دانیشیقلار آپاران هر بیر اؤلکه بدبخت اولدو، اله کئچیریلدی و آمریکانین حکمرانلیغی آلتینا کئچدی.

Axar.az خبر وئریر کی، بونو ایرانن رهبری علی خامنه‌ای‌نین رضوی خوراسان ایالتینده‌کی نماینده‌سی و مشهد شهرینین جمعه امامی احمد اعلم الهدا دئییب.

او، آوروپا ایله آمریکانین عینی سیاست یوروتدوکلرینی سویله‌ییب و بونا گؤره ده، آوروپا ایله ده دانیشیقلارین آپاریلماماسینا تاکید ائدیب.

جمعه ایمامی آمریکا ایله مذاکیره‌لرین اسلام دینی‌نین آرادان گئتمه‌سی ایله نتیجه‌لنجه‌یینی ادعا ائد‌رک، دانیشیق طرفدارلارینی بوندان چکینمه‌یه چاغیریب.

قید ائدک کی، ایران پرزیدنتی مسعود پزشکیان و یاخین اطرافی سیستمین چؤکمه‌سینین قارشیسینی آماق اوچون غربله دانیشیقلارا گئتمه‌یین واجیبلیینی بیلدیریر.

بیر نئچه گون اول پزشکیانین استراتژی مسئله‌لر اوزره معاوینی محمد جواد ظریف غربله دانیشیقلارا قارشی چیخانلاری تنقید ائدیب.

"بعضیلری بئله بیر فیکیر ایر‌لی سورورلر کی، بیز خارجیلرله دانیشیق آپارمامالیییق. اونوتمامالیییق کی، دوشمنین قوردوغو اویونا دوشوب مغلوب اولان بیزیک. همین اویونو اؤز ائویمیزده اودوزساق، خارجده مطلق اودوزاجاغیق"،- ظریف دانیشیقلارا قارشی چیخانلارا سسله‌نیب.