اسرائیلین باش ناظری بنیامین نتانیاهو آمریکانین یئنی سئچیلمیش پرزیدنتی دونالد ترامپلا تلفنلا دانیشیب.

Axar.az خبر وئریر کی، بو باره‌ده اسرائیل حکومتینین باشچی‌سینین اوفیسی معلومات یاییب.

«باش ناظر آمریکانین یئنی سئچیلمیش پرزیدنتی ترامپا غزه‌ده ساخلانیلان گیروولارین آزاد ائدیلمه‌سی راضیلاشماسینین الده ائدیلمه‌سینه گؤستردیی کمکه گؤره تشکر ائدیب. باش ناظر بوتون اسیرلرین ایسته‌نیله‌ن یوللا گئری قایتاریلماسینا دایر عهدلیینی آچیق شکیلده ایفاده ائدیب، ترامپین غزه‌نین بیر داها ترور سیغیناجاغی اولماماسینی تعمین ائتمک اوچون آمریکانین اسرائیلله بیرلیکده چالیشاجاغینا دایر بیاناتلارینی آلقیشلاییب»، - معلوماتدا دئییلیر.

طرفلر همچینین غزه‌ اطرافین‌داکی وضعیتی و دیگر مهم مسئله‌لری مذاکیره ائتمک اوچون تئزلیکله واشینگتن‌دا گؤروش کئچیرمه‌یه راضیلاشیبلار.

قید ائدک کی، اؤتن گون غزه‌ده آتشکس و گیروولارین قایتاریلماسی ایله باغلی راضیلاشما الده ائدیلیب. آتشکس ۱۹ یانواردان قوه‌یه مینه‌جک.