آمریکا-نین یئنی سئچیلمیش پرزیدنتی دونالد ترامپ اوکراینانین یئنیدن قورولماسی خرجلرینی روسیایا اؤد‌ده بیلر.

Axar.az خبر وئریر کی، بو باره‌ده هوور اینستیتوتونون باش علمی ایشچی‌سی نیل فرگوسون و تافتس اونیورسیتتینین پروفسورو کریس میلر «وال استریت ژورنال»داکی مقاله‌لرینده بیلدیریب.

«آمریکا وئرگی اؤدییجیلری اوچون داها آز خرجله آوروپانی تهلوکه‌سیز ساخلاماغین آچاری آوروپا بانک حسابلارین‌دا اولا بیلر. غرب روسیانین ۳۰۰ میلیارد دلارا یاخین والیوتا آکتیولرینی دوندوردو، لاکن آوروپانین اینادکارلیغی بو وسایتلرین اوکراینایا محاربه‌نین ووردوغو زیانی کمپنساسییا ائتمک اوچون استفاده اولونماسینا مانع اولدو. یئنی سئچیلمیش پرزیدنت ترامپ اوکراینانین یئنی‌دن قورولماسینی و گله‌جک سلاح آلیشلارینی مالیه‌لشدیرمک اوچون کرملین احتیاطلارینی سفربر ائتمکده اسرار ائتمه‌لیدیر»، - مؤلفلر قید ائدیب.

دنیا بانکینین معلوماتینا گؤره، روسیا اوکراینایا ۱۵۰ میلیارد دلاردان چوخ بیرباشا زیان ووروب و ۵۰۰ میلیارد دلارا یاخین اقتصادی ایتکی وئریب.

میلر و فرگوسونا گؤره، حل یولو دوندورولموش روسیا آکتیولریندن استفاده ائتمکدیر:

«ترامپ آدمینیستراسییاسینین داها یاخشی راضیلاشما الده ائتمک اوچون اونیکال امکانلاری وار. پوتینین پوللارینین اونون تجاوزونون قربانلارینا وئریلمه‌سیندن آتلانتیک اوکیانینین هر ایکی طرفی فایدالاناجاق، نه قدر تئز، بیر او قدر یاخشیدیر».