بو گون تهرانین ارک میدانیندا ایران عالی محکمه‌سین‌ده گوله‌له‌نن حاکملرین کیملییی آچیقلانیب.

Axar.az خبر وئریر کی، بو باره‌ده "مهر" خبر آگنتلییی معلومات یاییب.

معلوماتا گؤره، سلاحلی هجوم نتیجه‌سینده عالی محکمه‌نین ۵۳ سایلی شعبه‌سینین مدیری محمد مقیسه و عالی محکمه‌نین ۳۹ سایلی شعبه‌سینین مدیری علی رازینی یئرینده‌جه هلاک اولوب، میری سوی‌آدلی حاکم و اونون محافظه‌چیسی ایسه آغیر یارالانیب.

ایران محکمه‌سینه یاخین مئدیا قوروملاری حادثه‌نین اولجه‌دن پلانلاشدیریلمیش ترور اولدوغونو یازیب.

گوله‌له‌نن هر اوچ حاکم "تورور"، "جاسوسلوق" و "اؤلکه‌نین ملی تهلوکه‌سیزلیینه قارشی فعالیت" اتهاملارینا گؤره ساخلانیلان محکوملاری محاکمه ائدیبلر.