دونالد ترامپین آمریکا پرزیدنت سئچکی‌سینده غالیب گلمه‌سیندن سونرا دنیا لیدرلری اونون رغبتینی قازانماغا تلسیرلر.

Axar.az خبر وئریر کی، بو باره‌ده سی.ان.ان معلومات یاییب.

"بلکه ده اوکراینا قدر هئچ کیم بونا چالیشمیر. نظره آلساق کی، آمریکا پرزیدنت‌لیک مدتی باشا چاتان بایدنین دورونده اوکراینایا ان بؤیوک حربی یاردیم تجهیزاتچی‌سینا چئوریلیب، کیئو یاخشی باشا دوشور کی، گله‌جک دستیی تعمین ائتمک اوچون ترامپین طرفینده قالمالیدیر"، - معلوماتدا دئییلیر.

قید اولونور کی، زلنسکی تئز-تئز ترامپی گوجلو اینسان کیمی قلمه وئریر و بو، سئچیلمیش پرزیدنتین خوشونا گلمک جهدی‌دیر.

آوروپا شوراسینین خاریجی علاقه‌لر اوزره امکداشی جواننا خوسا بیلدیریب کی، زلنسکینین ترامپلا دوشمن‌چی‌لیک ائتمک لوکسو یوخدور:

"او، هئچ اولماسا، آمریکانین دستییندن چوخ آسیلی اولان اوکراینا اوچون ممکن اولان ان یاخشی نتیجه‌نی تعمین ائتمک مقصدیله اونو کیئوین طرفینه چکمه‌یه چالیشمالیدیر. زلنسکی سئچیم قارشی‌سیندا ایدی: ترامپا یالتاقلانماق و یا پوتینه تسلیم اولماغا مجبور اولماق. یالتاق‌لیق داها یاخشی نتیجه‌لر اوچون اؤدنیلمه‌لی اولان کیچیک بیر قیمتدیر".