۲۰۲۲-جی ایلین سونوندا آمریکا باش قرارگاه رئیسلری کمیته‌سینین صدری مارک میلی کیئوه جبهه‌ده‌کی اوغورلاردان استفاده ائد‌رک مسکوا ایله دانیشیقلار آپارماغی تکلیف ائتدی، لاکین دولت کاتیبی انتونی بلینکن بونون علیهینه چیخدی.

Axar.az خبر وئریر کی، بو باره‌ده «نیو یورک تایمز» قزئتی یازیب.

بیلدیریلیب کی، بلینکن اوکراینالیلارا سلاح یاردیمی، روسیایا اقتصادی سانکسییالار تطبیق ائتمه‌یه راضیلاشان ۵۰-یه یاخین اؤلکه‌دن عبارت کوالیسییا یاراداراق، اوکراینانی دستکله‌مه‌یه چاغیرماقدا فعاللیق گؤستریب:

«روسیا و اوکراینا دانیشیقلارا جان آتمادیغی اوچون بلینکن «داها آز صلحمراملی» ایدی. خصوصیله، او، اوکراینایا گوجلو سلاحلارین گؤندریلمه‌سی اوچون پنتاگون رسمیلری ایله تئز-تئز مباحثه ائدیردی. و ۲۰۲۲-جی ایلین سونوندا مارک میلی اوکراینا طرفینه دؤیوش میدانین‌داکی غلبه‌لردن استفاده ائد‌رک صلح دانیشیقلارینا باشلاماغی تکلیف ائد‌نده بلینکن مباریزه‌نین داوام ائتدیریلمه‌لی اولدوغونو تاکید ائتدی».