ایران اسلام انقلابی کئشیکچیلری کورپوسو (سپاه) حربی دنیز قوه‌لری اؤلکه‌نین جنوبوندا کئچیریلن تعلیملر زامانی اؤزونون مرکب مینالاریندان بیرینین ایلک گؤرونتوسونو یاییب.

Axar.az خبر وئریر کی، «مهر» بو مینالارین دیگر دنیز مینالاریندان فرقلی امکانلارا صاحب اولدوغونو، اوسته‌لیک، اونون بعضی خصوصیتلرینین ایندیه‌دک گیزلی ساخلاندیغینی یازیب.

قید ائدک کی، سپاه-ین حربی دنیز قوه‌لری دونن ایرانین جنوبونداکی بوشهر و خوزستان ایالتلری یاخینلیغیندا کؤرفز سولاریندا دنیز تعلیملرینه باشلاییب. تعلیملر سپاه و اوردو قوه‌لری طرفیندن سون دورلرده اؤلکه‌نین هر یئرینده بیرگه حیاتا کئچیریلن «اقتدار» («گوج») تعلیملرینین بیر حیصه‌سی‌دیر.

یانوارین اولینده سپاه حربی دنیز قوه‌لری اؤزونون سوآلتی راکت سیستمینی نماییش ائتدیرمیشدی.