نه روسیا، نه ده اوکراینا سلاحلا غالب گله بیلر. روسیا بونو ایسته‌سه ده، مقصدینه چاتمادی.

Axar.az خبر وئریر کی، بونو اوکراینا پرزیدنتی ولادیمیر زلنسکی آنکارادا تورکیه‌لی همکاری رجب طیب اردوغانلا بیرلیکده کئچیردیی مطبوعات کنفرانسین‌دا دئییب.

او بیلدیریب کی، کیمسه‌نین بونا اینانمادیغی حال‌دا اوکراینا مستقللیینی قورویوب:

"آرتیق دیپلماتییایا کئچمک لازم‌دیر. اما بو، عدالتلی اولمالیدیر".

زلنسکینین سؤزلرینه گؤره، روسیا صلح ایستییرسه، اسیر مبادله‌سینه راضی اولمالیدیر: "تهلوکه‌سیز ضمانتی یئنی محاربه‌نین باشلاماماسی اوچوندور. بیز روسیا اردوسون‌دان قورخموروق. اما یئنی ایتکیلره سبب اولماماق اوچون تهلوکه‌سیزلیک ضمانتی شرط‌دیر. آمریکا بیزه لازم اولان دستیی وئرمیر. بعضی غرب اؤلکه‌لری بیزیم ناتو-یا عضولویوموزو دستکله‌میر. اودور کی، اوکراینا اردوسو گوج‌لو اولمالیدیر. اوکراینا هئچ واخت اراضیلرینین اشغالی ایله باریشمایاجاق".