آمریکا و روسیا نماینده هیئتینین سعودیه‌ده‌ده ۵ ساعتا یاخین داوام ائد‌ن گؤروشو باشا چاتیب. طرفلر بیر سیرا پرینسیپ اوزره راضیلیغا گلیب:

- اوکراینا مناقشه‌سینین حلی اوچون دانیشیقلار گروپونون یارادیلماسی؛

- روسیا-آمریکا مناسبتلرینده «قیجیقلاندیریجی» عامللری آرادان قالدیرماق اوچون مصلحتلشمه مخانیزمینین یارادیلماسی؛

- واشینگتون و مسکواداکی سفیرلیکلرین اشتاتلارینین برپا ائدیلمه‌سی؛

- گئوسییاسی ماراق دوغوران مسئله‌لرده امکداشلیق ائتمک؛

- اقتصادی و اینوستیسییالار ساحه‌سینده گله‌جک امکداشلیق.

ایلکین راضیلاشمالار اوزره دانیشیقلارین داوام ائدجیی آیدیندیر. بو راضیلاشمادان چیخان نتیجه‌لری بئله قیمتله‌ندیرمک اولار:

۱. اوکراینا محاربه‌سی جبهه‌دن دیپلماتیک موستوییه کئچیر: اوکراینانین دا یئر آلاجاغی دانیشیقلار گروپون‌دا باشقا طرفلرین ده اشتراکی استثنا ائدیلمه‌مه‌لیدیر، هرچند، فورماتین ترکیبینین معین ائدیلمه‌سینده حل‌ائدیجی قرار آمریکا و روسیایا مخصوص اولاجاق؛

۲. واشینگتون و مسکوا مناسبتلری فاکتیکی اولاراق برپا ائتمک ائتمک و یارانا بیله‌جک پروبلملری دیالوگ یولو ایله حل ائتمک نیتینده‌دیر؛

۳. هر ایکی طرف تکجه اوکراینا مسئله‌سینده یوخ، یاخین شرق و دیگر جغرافییالاردا دا بیر-بیرینین ماراقلارینی نظره آلاجاق: استثنا دئییل کی، آمریکا روسیادان ایران و چینه قارشی پروسسلرده ان آزی نیتراللیغینی قوروماغی، واشینگتونون ماراقلارینی نظره آلماسینی ایستییر، قارشیلیغیندا اوکراینادا گذشتلرین ائدیلمه‌سی ممکون گؤزلنتیلردندیر؛ عینی زمان‌دا، روسیانین گئوسییاسی موستویده «گوج اولماسی» قبول ائدیله بیلر؛

۴. روسیایا قارشی سانکسییالارین یومشالدیلماسی آددیملاری آتیلاجاق.

بو راضیلاشمالارین پراکتیکی موستویده نه درجه‌ده رئاللاشاجاغی بللی دئییل، لاکن بونونلا آمریکا گلوبال طرف کیمی آوروپانی، یاخود چینی دئییل، محض روسیانی تانییر.