سورییادا باش وئره‌ن توققوشمالارین اساس مغزی اودور کی، مارت آییندا کئچید حکومتینین ترکیبی اعلان اولونمالی ایدی، بونا جدی حاضرلیقلار گئدیردی. حکومت عضولری آراسیندا دروزی‌لرین، کردلرین، علویلرین نماینده‌لری و خانیملار دا اولاجاقدی.

Axar.az خبر وئریر کی، بو سؤزلری سیاستچی ناطق جعفرلی سورییادا باش وئره‌ن توققوشمالار حاق‌دا قید ائدیب.

او بیلدیریب کی، کئچید حکومتینین اکثر عضولرینین تورکیه‌ده تحصیل آلانلاردان عبارت اولماسی نظرده توتولوردو:

«یعنی روسییانین و ایرانین آداملاریندان کنار، اؤلکه‌ده «اینکلوزیو» بیر حکومت اعلان ائدیلمه‌لی ایدی. بو گون باش وئره‌نلرین اساس سببی روسییانین و ایرانین اویوندان کنار قالماسی‌دیر، قان، ترور واسطه‌سی ایله ماسایا دؤنمک، اویونقوروجو اولماق ایسته‌ییرلر. نتیجه‌سی ایسه گناهسیز انسانلارین اؤلومو اولور».

قید ائدک کی، مارتین ۶-دا اسد طرفدارلاری حساب ائدیلن سلاحلی گروپلاشمانین سورییا تهلوکه‌سیزلیک قوه‌لرینه هجومو ایله لاتاکییادا دهشتلی توققوشمالار باشلاییب. توققوشمالار زامانی یوزلرله ملکی شخصین اؤلدویو ادعا ائدیلیر.