روسیا یول آیریجیندادیر. یا محاربه‌نی داوام ائتدیرمه‌لیدیر، یا دا یئنی شرطلرله راضیلاشمالی و آمریکا ایله طرفداش‌لیق قورمالی‌دیر.

Axar.az خبر وئریر کی، بونو روسیالی اولیگارخ، «روسنانو» کورپوراسییاسینین کئچمیش رهبری آناتولی چوبایس دئییب.

«آمریکا ایرلیلییشدیر. اقتصادیاتین بیر چوخ ساحه‌لرینده اونلار چوخ ایر‌لییه گئدیب. من روسیا اقتصادیاتینین رئال وضعیتینی بیلیرم. پرزیدنته تأثیر ائد‌ن انسانلار اونا حقیقتی دئمه‌لیدیر. ائلویرا نابیوللینا (روسیا مرکزی بانکینین رهبری – رئد.) بیر چوخ جهتدن وضعیتی اداره ائده بیلیر، لاکین هر شئیین بیر حدی وار»، - چوبایس بیلدیریب.

اونون سؤزلرینه گؤره، آمریکانین کرملینه تضییق گؤسترمک اوچون گئنیش مکانیزملری وار:

«روسیایا آمریکادان اینوستیسییالار و تکنولوگیالار لازیم‌دیر. بو، اؤلکه‌نی محاربه وضعیتینه کئچیدین دؤنمز نتیجه‌لریندن خلاص ائتمک اوچون بیر شانس‌دیر. روسیا محاربه بیتدیکدن سونرا دا اونلارین اوزرینده یاشاماغا داوام ائد‌جک، چونکی تکنیکا و سلاح احتیاطلاری توکنیب و یئنی احتیاطلارین استحصالی اوچون ایللر لازیم اولاجاق».