آذربایجانین اشغال ائدیلمیش اراضیلرینده «اسکندر م»، «توچکا او» و «سمرچ» سلاحلاری اولماییب.

Axar.az خبر وئریر کی، بونو مارتین ۱۷-ا باکی حربی محکمه‌سینده داوام ائتدیریلن محکمه پروسسین‌ده تقصیرلندیریلن شخص لیووا مناتساکانیان دئییب.

او، دولت اتهامینی مدافعه ائد‌ن پروکورورلارین سواللارینی جوابلاندیرارکن قوندارما رژیمین «مدافعه ناظری» اولدوغو واخت، اوندان اول و سونرا اشغال آلتینداکی اراضیلرده بو سلاحلاری گؤرمدیینی بیلدیریب.

خاطرلاداق کی، ارمنستانین حربی تجاوزو نتیجه‌سینده صلح و انسان‌لیق علیهینه جنایتلر، محاربه جنایتلری، او جمله‌دن تجاوزکار محاربه‌نین حاضرلانماسی و آپاریلماسی، سویقیریمی، محاربه قانونلارینی و قایدالارینی پوزما، هابئله ترورچولوق، ترورچولوغو مالیه‌لشدیرمه، حاکمیتی زورلا اله کئچیرمه، اونو زورلا ساخلاما و دیگر چوخسایلی جنایتلر تؤرتمکده تقصیرلندیریلن ارمنستان رسپوبلیکاسینین وطنداشلارینین محکمه‌سی داوام ائدیر.