«دنیا خوشبخت‌لیک سبدی» ۲۰۲۴-جو ایل اوچون دونیا اؤلکه‌لرینین ریتینگینی درج ائدیب.

Axar.az خبر وئریر کی، ان خوشبخت اؤلکه فینلاندیا سئچیلیب.

ایلک اوچلویو دیگر سکاندیناوییا اؤلکه‌لری – دانیمارکا و ایسلاندییا تماملاییب.

ایلک اونلوقدا ایسه ایسوئچ، نیدرلاند، کوستا-ریکا، نروژ، اسرائیل، لوکزمبورگ و مکزیکا قرارلاشیب.

آمریکا ۲۴-جو، روسیا ۷۲-جی، اوکراینا ایسه ۱۰۵-جی یئرده گؤستریلیب.

ریتینگده ان تعجب‌لو یئرلردن بیری آذربایجانا مخصوص‌دور. آذربایجان سیاهی‌دا حتی اوکراینادان سونرا – ۱۰۶-جی گؤستریلیب. اوکراینادا محاربه گئتدیینی و اؤلکه‌نین ۲۰%-دن چوخونون اشغال، شهرلرینین دارماداغین، اهالی‌سینین ان آزی ۱/۴-نین آوروپا اؤلکه‌لرینه قاچدیغینی، یوز مینلرله اؤلنلرین اولدوغونو نظره آلساق، بو اؤلکه‌نین آذربایجان‌دان «داها خوشبخت» گؤستریلمه‌سی دوشوندوروجودور.

قید ائدک کی، تورکیه‌یه سیاهی‌دا ۹۴-جو، ایرانا ۹۹-جو، گرجستانا ۹۱-جی، ارمنستانا ایسه ۸۷-جی یئر وئریلیب.