استانبول بؤیوکشهر بلدیه‌سینین باشقانی اکرم امام اوغلونون حبسینه اعتراض اولاراق اؤتن گون کئچیریلن آکسییالاردا ۱۶ پلیس یارالانیب.

Axar.az خبر وئریر کی، بو باره‌ده تورکیه‌نین داخلی ایشلر ناظری علی یئرلی قایا معلومات یاییب.

«آکسیالاردا ۲۹۱۱ سایلی قانونو پوزاراق، اجتماعی املاکا زیان ووران، پلیسین خدمتی وظیفه‌لرینین اجراسینا مقاومت گؤسترن ۵۳ نفر مسئولیته جلب ائدیلیب»، - او بیلدیریب.

ناظرین سؤزلرینه گؤره، «اجتماعی نفرت و دوشمن‌چیلییه سوق ائتمک» و «جنایت تؤرتمه‌یه تحریک» ادعاسی ایله ۷۲-سی خاریجده اولماقلا عمومی‌لیکده ۳۲۶ شبهه‌لی سوسیال مئدیا استفاده‌چی‌سی معین ائدیلیب، اونلاردان ۵۴ نفر ساخلانیلیب، دیگرلری ایله باغلی آراشدیرمالار داوام ائدیر.

قید ائدک کی، کوروپسیا و ترورا دستک اتهاملاری ایله استانبول ب.ی.ک شهر بلدیه‌سینین صدری اکرم امام اوغلو دا داخل اولماقلا، ۱۰۶ نفره اتهام ایر‌لی سورولوب، اونلاردان ۸۸ نفری حبس ائدیلیب. دیگر شبهه‌لیلر آختاریشدادیر.