بیر نئچه گون‌دور، ج‌ح‌پ رهبرلییی کؤکلو بیر پارتییانین دیلیندن دئییل، مارژینال سیاستین پریمیتیو دیلیندن استفاده ائدیرلر. دموکراتیک اعتراض حاقدیر، اما ج‌ح‌پ رهبرلیی‌نین استفاده ائتدیی دیل دموکراتیک اعتراض دیلی دئییل.

Axar.az خبر وئریر کی، بونو ترکیه‌ده حاکم عدالت و انکشاف پارتییاسینین (آک‌پ) سؤزچوسو عمر چئلیک دئییب.

او بیلدیریب کی، ج‌ح‌پ رهبرلییی گونده‌م‌ده‌کی ادعالارا آیدین و بیرباشا جواب وئره بیلمیر:

«بو ادعالار آیلار اول بعضی ج‌ح‌پ-لیلرین اؤزلری طرفیندن، بعضی ج‌ح‌پ بلدییه‌لری ایله باغلی گونده‌مه گتیریلیب. ایلک اولاراق ج‌ح‌پ-لی سیاستچیلر آراسیندا باشلایان بو کورروپسییا مذاکره‌لری قارشیسیندا پارتییا صدری اؤزگور اؤزل و رهبرلییی سوسدو. ایندی گنجلری کوچه‌لره چاغیرماقلا اؤز سیاسی ناتاماملیقلارینی، مسئولیت‌سیزلیکلرینی اؤرت-باسدیر ائتمه‌یه چالیشیرلار. اونلار ج‌ح‌پ داخیلینده‌کی قارشیدورمالاری یاتیرماق اوچون دموکراتیک اعتراض حقوقوندان سو-استفاده ائدیرلر. ج‌ح‌پ رهبرلییی دموکراتیک سیاست و دموکراتیک یاناشمالار باخیمیندان یئنه اوغورسوزلوغا دچار اولدو. سیاسی حیاتیمیزین ان کؤکلو پروبلئمی ج‌ح‌پ-نین سیاست‌سیزلییی‌دیر. ج‌ح‌پ رهبرلیینین ائتمه‌لی اولدوغو تک شئی خالقین قارشیسینا چیخیب بعضی ج‌ح‌پ-لی سیاست‌چیلرین بعضی ج‌ح‌پ بلدییه‌لری ایله باغلی سسلندیردیی ادعالارا جواب وئرمک‌دیر».

قید ائدک کی، داها اول ترکیه داخلی ایشلر ناظری ۱۹-۲۳ مارت تاریخلرینده اؤلکه اراضی‌سینده باش توتان قانونسوز آکسییالار زامانی ۱۱۳۳ نفرین ساخلانیلدیغینی آچیقلاییب.