سوئدین میقراسیا اداره‌سی اؤلکه‌نین تهلکه‌سیزلیک تشکیلاتینین ایشچیلردن بیرینین ایرانا باغلی دایره‌لرله شبهه‌لی علاقه‌لری باره‌ده خبردارلیق ائتمه‌سیندن سونرا همین شخصی ایشدن چیخاریب.

Axar.az خبر وئریر کی، بو باره‌ده سوئدین میقراسییا اداره‌سی معلومات یاییب.

"بو شخص سوئد حکومتینه صادق اولماییب و اونا گؤره ده اونونلا ایشله‌مه‌یه داوام ائتمک ممکن دئییل"،- معلومات‌دا بیلدیریلیب.

کیم‌لییی آچیقلانمایان ایشدن قووولا شخصین ایرانا باغلی بو دایره‌لرله علاقه‌سینین تفرعاتلاری هله‌لیک آچیقلانماساداسوئد اونون، ۲۰۱۶-جی ایلدن سوئدین میقراسییا اداره‌سینده ایشله‌دیی بیلدیریلیب.

قید اولونوب کی، اسوئد تهلکه‌سیزلیک تشکیلاتی ایلک دفعه اؤتن ایلین نویابریندا بو ایشچی‌نین وضعیتی ایله باغلی میقراسییا اداره‌سینه خبردارلیق ائدیب.

سوئد میقراسییا اداره‌سی‌نین تهلکه‌سیزلیک اوزره دیرکتورو هانس کمکسین سؤزلرینه گؤره، ایشدن چیخاریلان ایشچی ایله باغلی سوئد میقراسیا اداره‌سین‌دن الده ائدیلن معلومات کفایت قدر اعتبارلی‌دیر.

کمکس بیلدیریب کی، ایشدن چیخاریلان ایشچی‌نین فعالیتی میقراسیا اداره‌سی‌نین تهلکسیزلیینه خلل گتیرمه‌ییب.