ایران پرزیدنتی مسعود پزشکیان بو گون تهران‌دا "قدس گونو" آدی آلتیندا اسرائیله قارشی کئچیریلن آکسییایا قوشولوب.

Axar.az خبر وئریر کی، بو باره‌ده یئرلی مئدیا معلومات یاییب.

پرزیدنتین قوشولدوغو آکسییادا اسرائیله قارشی شعارلار سسلندیریلیب، یهودی دولتی‌نین یئر اوزوندن سیلینمه‌سینی طلب ائد‌ن پلاکاتلار قالدیریلیب.

سوسیال مئدیا فعاللاری و مستقیل ژورنالیستلر، آکسییایا آزیاشلی اوشاقلارین، مکتبلی‌لرین جلب ائدیلدیینی بیلدیریبلر.

بونونلا یاناشی بیلدیریلیب کی، اهالینین میتینگ‌لره رغبت گؤسترمه‌دیی اوچون حکومت دولت اداره‌لرینده ایشله‌یه‌نلری، اؤیرنجیلری و بو اؤلکه‌ده دینی تحصیل آلان خارجی وطنداشلاری مجبوری اولاراق آکسییالارا جلب ائدیب.

سوسیال شبکه‌لرده یاییلان ویدئو و فوتولاردان حکومتین بوتون جهدلرینه باخمایاراق بو گون سحر ساعتلاریندان باشلایان میتینگلرده اشتراکچیلارین آز اولدوغو و آکسییالارین سؤنوک کئچدیی گؤرونور.

قید ائدک کی، ایلک دفعه ۱۹۸۲-جی ایلده روح‌الله خمینی‌نین تشبوثو ایله فلسطینین آزادلیغینا دستک و اسرائیلین محو ائدیلمه‌سی طلبی ایله اسرائیله قارشی میتینگ کئچیریلیب.

او واختدان ایران‌دا، لیوان‌دا و بیر نئچه باشقا اؤلکه‌ده ایرانین مالیله‌شدیردیی و اله آلدیغی گروپلار هر ایل رمضان آیینین سونونجو جمعه گونو بو جور آکسییالار کئچیریر، ایرانین سیاسی-ایدئولوژی محاربه‌سینه دستک وئریرلر.