آمریکا پرزیدنتی دونالد ترامپ آدمینیستراسییاسی باتاریالار و نادر تورپاق المنتلرینین تجهیزات زنجرلرینده چینین دومینانتلیغینا قارشی مبارزه مقصدیله ساکت اوکیانین دیبیندن چیخاریلان متاللاردان احتیاطلارین یارادیلماسینا امکان وئرجک بیر سرانجام حاضیرلاییر.

Axar.az خبر وئریر کی، میلیونلارلا ایل عرضینده یوکسک تضییق آلتین‌دا فورمالاشان و کارتوف بؤیوکلویونده اولان کونکرسییالار (مینرال طبقه‌لشمه‌لر) نیکل، کوبالت، میس و مانگان کیمی باتارئیالاردا، الکتریک کئچیریجیلیینده و سلاحلانمادا استفاده اولونان متاللار، همچنین نادر تورپاق المنتلرینین ایزلرینی احتوا ائدیر.

معلوماتا گؤره، آمریکا کریتیک اهمیتلی مینراللارلا اؤزونو تامین ائتمه‌یه چالیشیر. بوندان علاوه، ترامپ آدمینیستراسییاسی اوکراینایا فایدالی قازینتیلار اوزره راضیلاشما باغلاماق اوچون تضییقلری داوام ائتدیریر، عینی زمان‌دا گرینلندی اله کئچیرمک و کانادانی الحاقلا هدلییر.

ترامپین بیرینجی پرزیدنتلیی دورونده ملی تهلوکه‌سیزلیک شوراسی آپاراتینین رهبری اولان آلکساندر گری بیلدیریب کی، چین درین دنیز بؤلگه‌لرینی آمریکا ایله اقتصادی و حربی رقابتده "اؤن جبهه" کیمی گؤرمه‌یه باشلادیغی اوچون آغ ائوین دقتی دنیزدیبی حاصلاتا یؤنلتمه‌سی منتیقلی‌دیر.

دنیز دیبیندن چیخاریلان بو جور پولیمتاللیک کونکرسییالارین استراتژی احتیاطینین یارادیلماسی آمریکا-یا ساکت اوکیانین رسورسلارلا زنگین بؤلگه‌لرینین منیمسنیلمه‌سی اوزره چینله رقابتده گئری قالماغی آرادان قالدیرماغا کمک ائد‌جک.