سوما ۱۳ آپرل‌ده ائندیریله‌ن بالستیک ضربه روسیانین اوکراینایا، آمریکا بیرلشمیش اشتاتلارینا و بوتون دنیایا سیگنالی‌دیر.

Axar.az خبر وئریر کی، بو سؤزلری «آتلانتیک کونکیل» آنالیتیک مرکزینین امکداشی الیزابت براو «اسکای نیوز»آ آچیقلاماسین‌دا دئییب.

براو کرمل رهبرینین آمریکا پرزیدنتینین خصوصی نماینده‌سی استیون اویتکوفلا گؤروشوندن سونرا روسیانین سومو آتشه توتماسینا توخونوب:

«دونالد ترامپین نماینده‌سی صلح ایسته‌یه بیلر، لاکن گؤرونور، او، صلح دانیشیقلاری اوچون تجربه‌لی دئییل. روسیا خوشمراملی‌لیق نمایش ائتدیرمک ایسته‌یه‌ن بیر اؤلکه اولسایدی، اوکراینایا ضربه ائندیرمزدی. بو، اینانیلماز بیر تخریبات آکتی‌دیر – حالبوکی روسیانین بو تخریبات اوچون هئچ بیر حربی سببی یوخ‌دور. بو، اوکراینایا، آمریکالیلارا و دنیایا بیر سیگنال ایدی».

قید ائدک کی، روسیانین اؤتن گون سوم شهرینین مرکزینه ائندیردیی راکت ضربه‌لری نتیجه‌سینده ان آزی ۳۴ نفر اؤلوب، ۱۱۷ نفر یارالانیب.