ایران-ارمنستان بیرگه حربی تعلیمی «یا فاطمه زهرا" کد آدی ایله کئچیریلیب. خوجالی‌دا کؤرپه زهرالارا تجاوز ائدیب مسلمانلاری گئنوسیده اوغراتمیش ارمنی هارا، پیغمبرین عصمت‌لی قیزی، امام علی‌نین حیات یولداشی فاطمه زهرا هارا؟ کیمی کیمه جالاییب تحقیر ائدیرسینیز؟ پیغمبر اهل بیتینی فارس رژیمی قدر تحقیر و استثمار ائد‌ن ایکینجی رژیم تاریخده اولماییب.

Axar.az خبر وئریر کی، بو فکرلری الاهیات‌چی، ملی جبهه پارتیاسینین صدر معاوینی تورال عرفان دئییب.

«اسلام دینینین مقدساتینی، عالی سیمالارینی، پیغمبر سویونو حربی، سیاسی تخریباتلارا آلت، قالخان، سپر ائتمک اونلارا و بوتون اسلام دنیاسینا قارشی حقارت‌دیر.

طبیعی کی، ساسانی اهمنی مفکوره‌سیندن دوغان فارس شعوبیه‌سینین بو کد آدینین آچماسی تعلیمین اصلینده هانسی مقصدله کئچیریلدیینی بیزه معلوم ائدیر. لاکین عصمت و حیا مجسه‌مه‌سی، مسلمانلارین اونون پاک آدینی بئله دیلینه گتیررکه‌ن اؤزونو ییغیشدیردیغی مقدس بیر خانمین آدینین معصوم کؤرپه‌لرین دریسینی سویوب، یاراسینا دوز باسمیش بیر سلاحلیلارلا یاناشی چکیلمه‌سی، اوسته‌لیک خانمین نامی ایله ائل‌لرینه دستک نماییش ائتدیریلمه‌سی، اسلامی، اهل بیتی، بوتون مقدساتی تحقیر ائتمکدیر»، - عرفان بیلدیریب.