آمریکا-دان ۱۵ میلیارد دلارا ۱۰ عدد «پاتریوت» هوا هجومون‌دان مدافعه سیستمی آلماغا حاضردیر.

Axar.az خبر وئریر کی، بونو اوکراینا پرزیدنتی ولادیمیر زلنسکی دئییب.

«بیر سیستم ۱،۵ میلیارد دلارا باشا گلیر، بیز آلماغا حاضیریق. یالنیز ملکی اولانلاری، انسانلارین سیخ اولدوغو شهر مرکزلرینی و بعضی شهرلری باغلاماق اوچون ان آزی ۱۰ سیستم لازم‌دیر. بیز بو ۱۵ میلیاردی اؤد‌مه‌یه حاضیریق. بو پولو تاپاجاغیق، هامیسینی اؤدیجییک»، - زلنسکی بیلدیریب.
زلنسکینین سؤزلرینه گؤره، او، آمریکا پرزیدنتی دونالد ترامپ آدمینیستراسییاسیندان «پاتریوت» سیستملری و راکتلرینین استحصالی اوچون لیسنزییا ایسته‌ییب.

اونون سؤزلرینه گؤره، ائله اؤلکه‌لر وار کی، اونلاردا «پاتریوت» سیستملری موجوددور، لاکن همین اؤلکه‌لرده حربی عملیاتلار آپاریلمیر:

«بو سیستملر اوکراینایا وئریلمه‌لیدیر. حتی اونلاری اجاره‌یه گؤتورمه‌یه ده حاضیریق. بو و یا دیگر اؤلکه‌ده هانسیسا پروبلم اولارسا، اونلاری چوخ تئز گئری قایتارماق لازم گلرسه، بیز اونلاری گئری قایتاراجاغیق».