بیز هئچ واخت بیر-بیریمیزه بو قدر یاخین اولمامیشیق.

Axar.az خبر وئریر کی، بو فکرلری ارمنیستانین خارجی ایشلر ناظیری آرارات میرزویان تورکیه‌نین ان ت.و تله‌کانالینا وئردیی مصاحبه‌سینده سسلندیریب.

حاضردا ارمنیستانلا آذربایجان آراسین‌دا صلح سازشینین امضالانماسی و ارمنیستان-تورکیه مناسبتلرینین نرماللاشماسی اوچون مناسب زمانین اولوب-اولماماسی ایله باغلی سوالی جوابلاندیران میرزویان دئییب:

«اگر اعتراض ائتمیرسینیزسه، بو سوالا بیر قدر فرقلی جواب وئرمه‌یه چالیشاجاغام. حاضردا بونون اوچون اویغون واختدیر دئیه بیلمره‌م. اولا بیلسین، هئچ واخت ایده‌آل بیر زمان اولمایاجاق، اما امینلیکله دئیه بیلرم و دوشونورم کی، تورکیه‌لی و آذربایجانلی همکارلاریم دا بونو تصدیقلیرلر: بیز هئچ واخت بیر-بیریمیزه بو قدر یاخین اولمامیشیق. موجود وضعیتی دیرلندیرسک، دئمک اولار کی، بیز صلحه و ثابتلییه هئچ واخت ایندیکی قدر یاخین اولمامیشیق».