ارمنستانین باش ناظری نیکول پاشینیان آرتیق تورکیه پرزیدنتی رجب طیب اردوغان اوچون ده ماراقسیز اولوب.

Axar.az خبر وئریر کی، بونو ارمنی ژورنالیست سئواک آکوپیان دئییب.

او، تورکیه‌نین ارمنستانلا مناسبتلرین نورماللاشماسی اوچون بیر نئچه دفعه دانیشیقلارا باشلادیغینی وورغولاییب:

«پروسس باشلادیلدی، لاکین داوام ائتمه‌دی. آنکارا هر دفعه ایلکین شرطلر قویوردو، قبول ائدیلمدیکده گئری چکیلیردی. چونکی اونلار اوچون اساس مسئله ایلکین شرطلرین یئرینه یئتیریلمه‌سی ایدی. مثلاً، ۲۰۰۹-جو ایلدکی «فوتبول دیپلماتیاسی» دا بئله جهدلردن بیری ایدی. لاکین ایندی وضعیت دییشیب، ایروان باکی و آنکارانین بوتون شرطلرینی قبول ائدیب. اما یئنه ده، نورماللاشما ایله باغلی هئچ بیر آددیم مشاهده اولونمور. چونکی ارمنستانا ماراق آرتیق ایتیب، لازیمی راضیلاشمالار الده اولونوب. تورکیه بونا ساده بیر پروسس کیمی باخیر، ارمنستان اوچون ایسه اؤلوم-دیریم مسئله‌سیدیر».