پوتینین "پاسخا آتشکسی" قفیل، قیسا و بیرطرفلی اولدو. بو، روسیانین صلح مسئله‌سینه یاناشماسین‌دا نمایش ائتدیردیی «وحشی سینیزمی» آیدین شکل‌ده گؤستردی.

Axar.az خبر وئریر کی، بو باره‌ده سی.ان.ان-ده یاییملانان سوژئتده بیلدیریلیب.

وورغولانیب کی، کرملین بیاناتی واشینگتنون یاخین گونلرده مسکوانین صلحه جدی یاناشیب-یانیشمادیغینی تصدیقله‌مک ایستدیینی بیلدیردیی واخت‌دا اعلان ائدیلیب:

«لاکن بو قفیل بیانات هله یاییملانمامیشدان اؤنجه بئله او قدر پراکتیکی چاتیشمازلیقلارلا دولودور کی، چوخ گمان، پوتین طرفیندن ساده‌جه اولاراق کیئوین محاربه‌نی دایاندیرماق ایستمدیی باره‌ده یالان تصورونو ساخلاماق اوچون استفاده اولوناجاق. اوکراینا قوه‌لری اوچون ایسه بئله قفیل و درحال قوه‌یه مینه‌ن آتشکس لوگیستیک کابوسا چئوریله‌جک».

نشرین ادعاسینا گؤره، داها بؤیوک چتینلیک دئزینفورماسییا ایله باغلی اولاجاق:

«بو، قوشونلاردا آتشکسین پوزولوب-پوزولمادیغینی آنلاماق، پوزونتولارین قیده آلینماسی و اونلارا نئجه رئاکسییا وئریلمه‌سی ایله باغلی چاشقینلیق یاراداجاق. عینی زمان‌دا، قفیل اعلان اولونموش آتشکسین بیتدیی آندا نه ائدیلجیی ایله باغلی دا غیر-معینلیک یارانا بیلر».

قید ائدک کی، روسیا پاسخا بایرامی ایله علاقه‌دار اوکراینادا بوتون حربی عملیاتلاری اؤتن گون ساعت ۱۸:۰۰-دان ۲۱ آپرل ساعت ۰۰:۰۰-آ قدر دایاندیردیغینی اعلان ائدیب. اوکراینا پرزیدنتی زلنسکی ده آتشین دایاندیریلماسی ایله باغلی گؤستریش وئریب.