پاپا فرانسیسکین اؤلوموندن سونرا «پاپالارین کهانتی» کتابی یئنی‌دن گونده‌مه گلیب.

Kult.az خبر وئریر کی، صحبت ۱۱۳۹-جو ایلده ایرلاندییا آرخیپیسکوپو مقدس مالاکینین یازدیغی ادعا ائدیلن کتاب‌دان گئدیر.

۱۵۹۵-جی ایلده بندیکتین کشیشی آرنولد ویون طرفیندن واتیکانین مخفی آرخیوینده آشکارلاندیغی ادعا ائدیلن کتاب‌دا ۱۱۲ قیسا و سیرلی جمله وار. بو جمله‌لرین هر بیرینین تاریخده‌کی مختلف پاپالارین خصوصیتلرینه عاید اولدوغو دوشونولور. کیتابین سون بؤلمه‌سی سونونجو پاپا اولان «رومالی پطروس (پیوتر)» افاده‌سی ایله دقت چکیر.

بعضی شرحچیلر حساب ائدیرلر کی، کتاب‌داکی «رومالی پطروس» افاده‌سی پاپا فرانسیسک‌دن سونرا سئچیله‌جک شخصین سیموولیک آدیدیر. دیگرلری ایسه پاپا فرانسیسکین ساغلاملیق وضعیتینه گؤره بو تیتولو تمثیل ائتدیینی و اونون "سونونجو پاپا" اولا بیله‌جه‌یینی دوشونور.

کیتابین فرق‌لی شرحلرینه گؤره، دنیانین سونو ۲۰۲۷-جی ایلده گله بیلر.

بعضی تاریخ‌چیلر و الاهیاتچیلار بو متنین مقدس مالاکی طرفیندن یازیلمادیغینی ادعا ائدیرلر؛ عکسینه، ۱۶-جی عصرده پاپا سئچکیلرینه تأثیر ائتمک اوچون یازیلمیش اولا بیلجیی احتمالینی ایر‌لی سورورلر.