آپرلین ۲۱-ده غربی آذربایجان ایالتینین مرکزی اورمیا حبسخاناسین‌دا اعدام ائدیلن حمید هحسئی‌نژاد حیدرانلونون جنازه‌سی عائله‌سینه وئریلمدیینه گؤره، اونلار حبسخانا قارشی‌سیندا اعتراض آکسیاسی کئچیریبلر.

Axar.az خبر وئریر کی، بو باره‌ده انسان حاقلاری تشکیلاتلاری معلومات یاییب.

معلوماتا گؤره، حبسخانا رهبرلییی و تهلوکه‌سیزلی قوروملارینین نماینده‌لری حسین‌نژادین جنازه‌سینین تحویل وئریلمیجیینی و اونون یاس مراسیمینین کئچیریلمه‌سینه قاداغا قویولدوغونو بیلدیربلر.

قید ائدک کی، میلیتجه کرد اولان حمید حسین‌نژاد ۱۳ آپرل ۲۰۲۳-جو ایلده حبس ائدیلیب.

رسمی اتهاما گؤره حسین‌نژاد ۲۰۱۸-جی ایلده پ.کا.کا-نین ایران قولو اولان پژاک-این سلاح‌لی عضولرینین ترور عملیاتی کئچیرمک اوچون غرب سرحددین‌دن ایرانا کئچمه‌لرینه کمک ائدیب.

همین عملیات زمانی ۸ ایران سرحدچی‌سی هلاک اولوب و ایران محکمه‌سی حمید حسین‌نژادی اونلارین اؤلدورولمه‌سینده اشتراک‌دا گناهلاندیریب.

اونون عائله‌سی و وکیلی ایسه حسین‌نژادین گناهسیز اولدوغونو، اوندان ایشگه‌نجه آلتیندا مجبوری اعتراف آلیندیغینی بیلدیریبلر.