خارجی ایشلر ناظیرلیی آذربایجان بایراغینین ارمنیستان‌دا و فرانسادا یاندیریلماسی ایله باغلی بیانات یاییب.

Axar.az خبر وئریر کی، بو باره‌ده آذربایجان خارجی ایشلر ناظیرلیی معلومات یاییب.

"۲۳ آپرل تاریخینده ارمنیستانین پایتاختی ایروان‌دا «مشعل یوروشو» زمانی، هابئله ۲۴ آپرل تاریخینده فرانسانین پایتاختی پاریس شهرینده ارمنی اجماعسینین توپلانتی‌سی زمانی آذربایجان بایراغینین یاندیریلماسینی قطعیتله پیسله‌ییریک.

ارمنیستان و فرانسا حکومتلری ائتنیک زمینده کؤک سالمیش نفرتین تجسمو اولان بو کیمی کامپانییالارین قارشی‌سینی واختین‌دا آلمالی و موافق تهلوکه‌سیزلیک تدبیرلری گؤرمه‌لی ایدی.

ارمنیستان و فرانسا حکومتی بو حرکتلری تؤرتمیش شخصلری مسئولیته جلب ائتمه‌لیدیر.

ارمنیستان‌دا و اوندان کناردا هله ده گوج‌لو شکل‌ده روانشیست و ائتنیک نفرته اساسلانان دوشونجه‌نین آچیق تظاهرو اولان بو کیمی آکتلار بین‌الخالق سوییه‌ده پیسله‌نمه‌لی و قارشی‌سی آلینمالیدیر"، - بیاناتدا بیلدیریب.