روسیا پرزیدنتی ولادیمیر پوتین هله‌لیک هیندیستان و پاکیستان لیدرلری ایله هر هانسی تماس پلانلاشدیرمیر.

Axar.az خبر وئریر کی، بونو کرملین مطبوعات کاتبی دمیتری پسکوو رگیون‌دا وضعیتین گرگینلشمه‌سی فونون‌دا تاس-آ آچیقلاماسیندا دئییب.

«خیر، حاضردا پلان‌دا یوخ‌دور»، - دئیه او بیلدیریب.

قید ائدک کی، ۲۲ آپرل‌ده هیندیستانین نظارتینده اولان جامو و کشمیر بؤلگه‌سینده توریستلر آتشه توتولوب، نتیجه‌ده ۲۶ توریست اؤلوب. هیندیستان بو قتلی تؤردن ترورچولارین آرخاسین‌دا پاکیستانین دایاندیغینی بیلدیررک، سرت تدبیرلره ال آتیب، پاکیستان‌لیلارا وئریله‌ن بوتون ویزالار لغو ائدیلیب، پاکیستان وطنداشلارینا اؤلکه‌نی ترک ائتمک اوچون ۴۸ ساعت واخت وئریلیب، همچنین دهلی سو مقاوله‌سیندن چیخدیغینی اعلان ائدیب. هیندیستان پاکیستان‌داکی سفیرلیینین هیئتینی ده یارییا قدر آزالداجاغینی بیلدیریب و پاکیستان سفیرلیینین امکداشلارینین ۵۵-دن ۳۰-آ ائندیریلمه‌سینی طلب ائد‌رک، حربی آتتاشنی آرزو اولونماز(persona non-qrata) اعلان ائدیب.