ایرانین جنوبوندا یئرلشن بندرعباس شهرینده‌کی دنیز لیمانی اراضی‌سینده باش وئره‌ن گوجلو پارتلاییش نتیجه‌سینده بیر نئچه امکداش خسارت آلیب.

بو باره‌ده «تسنیم» آگنتلییی معلومات یاییب.

بیلدیرلیب کی، پارتلاییش یاناجاق ساخلاما چنینین پارتلاماسی نتیجه‌سینده باش وئریب.

قید اولونوب کی، پارتلاییش دالغاسی اوفیس بیناسینی داغیدیب و لیمان‌داکی آوتوموبیللره زیان ووروب. لیمانین بیر نئچه امکداشی خسارت آلیب.

معلوماتا گؤره، ایران رسمیلری هله کی حادثه‌نی شرح ائتمه‌ییبلر.

ایرانین جنوبوندا کؤرفز ساحلین‌ده یئرلشن بندر عباس شهری هرمزگان ایالتینین مرکزی‌دیر.
***
ایرانین بندر عباس شهرینده شهید رجایی لیمانین‌دا باش وئره‌ن پارتلاییش نتیجه‌سینده ان آزی ۴۷ نفر خسارت آلیب.

بونو ؤرموزگان ایالتینین تعجیلی خیدمتلرینین نماینده‌سی بیلدیریب.

"ایلکین معلوماتلارا گؤره، باش وئره‌ن پارتلاییش نتیجه‌سینده ۴۷ نفر خسارت آلیب"، - او قید ائدیب.
***

ایرانین بندر عباس شهرینده شهید رجایی لیمانین‌دا باش وئره‌ن پارتلاییش نتیجه‌سینده ان آزی ۸۰ نفر خسارت آلیب.

بو باره‌ده هرمزگان ایالتی فوق‌العاده حاللار اوزره اداره‌سی معلومات یاییب.

پارتلاییش نتیجه‌سینده اؤلنلرین ده اولاجاغی احتمال ائدیلیر.

***

ایران فوق‌العاده حاللار مرکزی‌نین وئردیی معلوماتا گؤره، یارالیلارین سایی ۲۸۱ نفره چاتیب.

غیری-رسمی معلوماتلاردا چوخ سایدا انسانین اؤلدویو بیلدیریلسه ده، بو هله‌لیک رسمی شکیل‌ده تصدیق ائدیلمه‌ییب.

***

ایرانین شهید رجایی لیمانین‌دا باش وئره‌ن پارتلاییش‌دا خسارت آلانلارین سایی ۴۰۰ نفری کئچیب.

بو باره‌ده ایرانین یئرلی حاکمیت اورگانلاری معلومات وئریبلر.

***

ايرانين فوق‌العاده حاللار مركزی‌نين وئردیی سون معلوماتا گوره, شهید رجایی لیمانین‌دا باش وئره‌ن پارتلاییش‌دا یارالانانلارین سایی ۵۱۶-یا چاتیب».