هیندیستان و پاکستان آراسین‌دا ۱۲۵ طیاره‌نین اشتراک ائتدیی هوا دؤیوشو باش وئریب.

Axar.az خبر وئریر کی، بو باره‌ده سی.ان.ان پاکستان خصوصی خدمت اورگانلارین‌داکی منبع‌یه استنادلا معلومات وئریب.

معلوماتا گؤره، طرفلر ۲۰۱۹-جو ایلده باش وئرن و هیندیستان طیاره‌سینین وورولماسی ایله نتیجه‌لنن گرگینلیکدن سونرا اؤز دؤیوش طیاره‌لرینی بیر-بیرینین هوا مکانینا گؤندرمه‌یه راضی اولماییب:

«بو سبب‌دن هوا دؤیوشو زمانی هر ایکی طرف اؤز قیریجیلارینین اؤز هوا مکانیندان کناردا اوچماسینا مانع اولوب. دؤیوشده اشتراک ائد‌ن ۱۲۵ طیاره بعضا ۱۶۰ کیلومتردن چوخ مسافه‌دن بیر-بیرینه راکتلر آتیردی».

قید ائدک کی، مایین ۷-نه کئچه‌ن گئجه هیندیستان آویاسیاسی پاکستان‌دا دوققوز هدفه ضربه‌لر ائندیریب. پاکستان اوردوسو ایسه دؤیوشلر زمانی هیندیستان حربی هوا قوه‌لرینه مخصوص ۵ قیریجی، همچینین ۵ عدد پوا ووروب.

پاکستان باش ناظری شهباز شریف ایسه بیلدیریب کی، هیندیستان پاکستانا قارشی ۸۵ قیریجی ایله هجوما کئچیب.