ارمنیستان اردوسونا چاغیریش اوچون یاش حدینین آرتیریلماسی ایدئیاسی جدی کادر چاتیشمازلیغیندان خبر وئریر. و بو کسر حاکمیتین ضررلی سیاستی ایله داها دا آغیرلاشیر.

Axar.az خبر وئریر کی، بو سؤزلری «اسپوتنیک ارمنیستان»آ حربی اکسپرت، احتیاطدا اولان پولکوونیک آیک ناآپتیان ملکی مقاوله پارتییاسیندان اولان ملت وکیلی آیک سرکیسیانین حربی خدمت اوچون ماکسیموم یاش حدینین ۲۷-دن ۳۷-یه قالدیریلماسی تکلیفی حاقدا دانیشارکه‌ن دئییب.

«حاکمیت ارمنیستانین سلاح‌لی قوه‌لرینی لغو ائتمک وظیفه‌سینی قارشی‌سینا مقصد قویوب، اما بونو گیزلی شکلده، یاواش-یاواش یئرینه یئتیرجک. بس لغو ائتمک اوچون نه لازم‌دیر؟ فاکتیکی اولاراق محاربه وضعیتینده اولان اؤلکه‌ده سوسیال برابرسیزلیک و سوسیال آیری-سئچکیلیک داها دا شدتلنمه‌لیدیر. وارلیلارین اؤولادلاری اردودان خلاص اولا بیلر، اما کاسیبلارین اؤولادلاری خدمت ائتمه‌لیدیر. ارمنیستان حاکمیتی سؤزون اصل معناسین‌دا فهله-کندلی اردوسو یارادیر»، - اکسپرت بیلدیریب.

ناآپتیان هله ۲۰۲۳-جو ایلده قبول ائدیلمیش قانونو خاطیرلادیب. همین قانونا گؤره، اردودان یایینان وطنداشلار ۲۷ یاشدان سونرا ارمنیستانا قاییدا بیلر و ۱۲ آی خدمت ائدیب، ۲،۵ میلیون درام (۶،۲ مین دلار) اؤدیرسه، تعقیبدن آزاد اولا بیلرلر. دیگر واریانتلار ۶ آی خدمت، ۵ میلیون درام (۱۲،۴ مین دلار)، ۱ آی خدمت، ۱۰ میلیون درام (۲۴،۸ مین دلار) و یا خدمت ائتمه‌دن ۱۵ میلیون درام اؤد‌مکدیر.

اکسپرتین فکرینجه، اردودا جدی چاغیریشچی چاتیشمازلیغینین اولدوغو گؤز قاباغیندادیر و بو سببدن چاغیریش یاشینین آرتیریلماسینی تکلیف ائدیرلر.