اوکراینا برازیلیانی مسکوایا تضییق گؤسترمه‌یه چاغیریب.

Axar.az خبر وئریر کی، بو باره‌ده اوکراینا خاریجی ایشلر ناظری آندری سیبیگا مراجعت ائدیب.

سیبیگا بیلدیریب کی، بو هفته برازیلیالی همکاری ماورو وییرا ایله محاربه‌نین دایاندیریلماسی سعیلرینی مذاکره ائدیب. اوکراینالی ناظر اونو قید-شرط‌سیز ۳۰ گونلوک آتشکه‌سی ثمره‌لی صلح دانیشیقلاری اوچون اساس کیمی دستکله‌مه‌یه چاغیریب:

"پرزیدنت زلنسکینین پوتینله تورکیه‌ده گؤروشمه‌یه حاضر اولدوغونو تصدیقلدیم و برازیلیانی بو عالی سویه‌لی بیرباشا گؤروشون باش توتماسی اوچون روسیا ایله دیالوگدا نفوذلو سسینی استفاده ائتمه‌یه چاغیردیم".

قید ائدک کی، اوکراینا و روسیا رسمیلرینین ۱۵ مایدا استانبول‌دا بیرباشا دانیشیقلار آپاراجاغی گؤزلنیلیر. دانیشیقلاردا اوکراینانی پرزیدنت ولادیمیر زلنسکی تمثیل ائد‌جک، روسیا نماینده هیئتینه ایسه خاریجی ایشلر ناظری سرگئی لاوروو و پرزیدنتین کمکچی‌سی یوری اوشاکوو داخیلدیر.