فنلاند تهلوکه‌سیزلیک و کشفیات خیدمتی ایرانی بو اؤلکه‌ده جاسوسلوق فعالیتی حیاتا کئچیرمکده اتهام ائدیب.

Axar.az خبر وئریر کی، بو باره‌ده فینلاند کشفیات و تهلوکه‌سیزلیک تشکیلاتی (سوپو) یئنی حساباتین‌دا بیلدیریلیب.

ایلک دفعه‌دیر کی، هلسینکی ایرانی فنلاندا قارشی جاسوسلوق‌دا فعال اولان اؤلکه‌لردن بیری کیمی رسمی اولاراق تانیییب.

تشکیلات تهرانین کئچمیشه نسبتا داها آگرسسیو موقع توتدوغونو، روسییا و چینله یاناشی فنلاندین کشفیات تهدیدلری سیراسینا قوشولدوغونو قید ائدیب.

ایرانین خصوصیله سیغیناجاق آختاران شخصلره قارشی جاسوسلوق فعالیتینه توخونان سوپو خبردارلیق ائدیب کی، بو حرکتلر آوتوریتار رژیملرین خارجده‌کی مخالفلره نظارت و ایزله‌مه استراتژیلرینین بیر حیصه‌سی‌دیر.

"ایرانین گئتدیکجه شدتله‌نن دوشمنجه‌سینه حرکتلری تهرانین غربله مناسبتلرینین پیسلشمه‌سینی عکس ائتدیریر"،- سوپو-نون حساباتین‌دا وورغولانیب.