اگر دوشمن پاکستانا سو آخینینی دایاندیرماغا جهد ائدرسه، بونون عوضینی آغیر شکیلده اؤد‌یه‌جک.

Axar.az خبر وئریر کی، بونونلا باغلی پاکستانین باش ناظری شهباز شریف هیندیستانا خبردارلیق ائدیب.

پیشاورده چیخیش ائد‌ن باش ناظر بیان ائدیب:

"هیندیستان پاکستانا سو آخینی دایاندیرماقلا هده‌لییر. دوشمن آرتیق محاربه‌نین قیزیشدیریلماسینین نتیجه‌لرینین شاهدی اولوب. هر داملا سو پاکستان خالقینین حاقی‌دیر".

"بو یاخینلاردا دؤرد اؤلکه‌ده اولدوم. اونلارین اوزونده خوشبخت‌لیک گؤردوم. محاربه‌ده اوغور قازاندیغیمیز کیمی، الله-تعالینین برکتی ایله اقتصادی غلبه‌یه ده نائل اولاجاغیق"، - او علاوه ائدیب.

شریف همچینین فلدمارشال گنرال سعید آسیم مونیری تعریفله‌یه‌رک دئییب:

"اونون رهبرلییی آلتیندا پاکستان سلاحلی قوه‌لری دوشمنه درس وئریب".

«بورادا اشتراک ائتمک منیم اوچون شرف‌دیر. بیز هامیمیز سیزین ناراحات‌لیقلارینیزی دقتله دینله‌مک اوچون بوراداییق. خایبر پاختونخوا پاکستانین بؤیوک و گؤزل ایالتی‌دیر. خایبر پاختونخوا خالقی جسور، شرفلی و وطنپروردیر. اونلار پاکستانی همیشه جسارتله مدافعه ائدیبلر»، - او علاوه ائدیب.