آوروپا بیرلییینین یوکسک وظیفه‌لی رسمیلری قورخور کی، ان پیس سناری‌ده واشینگتن اوکراینایا بوتون دستیی، او جمله‌دن کشفیات معلوماتلارینین مبادیله‌سینی کسه، آوروپا اؤلکه‌لرینه آمریکا سلاحلارینین کی‌یوه اؤتورولمه‌سینی قاداغان ائده بیلر.

Axar.az خبر وئریر کی، بو باره‌ده «فایننشل تایمز» معلومات یاییب.

«آوروپا بیرلییی حاضردا آمریکا ایله عینی آندا اوچ اساس مسئله اوزره دانیشیقلار آپارمالیدیر: تجارت مباحثه‌سی، ناتو-دا حربی خرجلر و اوکراینا بحرانی. آوروپا بیرلیییینین یوکسک سویه‌لی رسمیلری بو موضوع‌لارین هر بیری اوزره دانیشیقلارین ممکن اولان ان پیس نتیجه‌سینی مذاکره ائدیب. اونلار قورخور کی، واشینگتن کی‌یوه دستیی تمامیله کسه، کشفیات معلوماتلارینی پایلاشماغی دایاندیرا و آوروپا اؤلکه‌لرینه آمریکادان آلدیغی سلاحلارین اوکراینایا اؤتورولمه‌سینه قاداغا قویا بیلر. تجارت دانیشیقلاری ایسه اقتصادی آرتیم اوچون آغریلی نتیجه‌لری اولان تام تجارت محاربه‌سینه گتیریب چیخارا، ناتو-نون حربی خرجلرینده یوکون بؤلوشدورولمه‌سی ایله باغلی فکر آیریلیقلاری آمریکا قوشونلارینین و سلاحلارینین آوروپادان سرعتله چیخاریلماسینا سبب اولا بیلر»، - معلومات‌دا قید اولونوب.