آوستریانین قراتس شهرین‌ده مکتب‌ده آتیشما نتیجه‌سینده ۸ نفر هلاک اولوب.

Axar.az خبر وئریر کی، بو باره‌ده آوسترییا مطبوعاتی معلومات یاییب.

معلوماتا گؤره، نامعلوم سلاحلی شخص سحر ساعت ۱۰ راده‌لرینده بورگ فدرال مکتبینین بیناسیندا آتش آچیب:

«ایلکین معلوماتا گؤره، آزی ۸ نفر هلاک اولوب. آتش آچان شخص همین مکتبین شاگردی اولوب. سون‌دا او، انتحار ائدیب. بیر نئچه شاگرد و معلم آغیر یارالانیب. حادثه یئرینده چوخلو سایدا پلیس امکداشی جلب اولونوب. شهره خصوصی تعینات‌لی «کبری» بؤلمه‌سی ده داخل اولوب. استنتاق داوام ائدیر و آتش آچان شخصین موتیولری ایله باغلی رسمی معلومات هله‌لیک آچیقلانماییب».

***

آوسترییانین قراتس شهرین‌ده‌کی مکتب‌ده باش وئرن آتیشما نتیجه‌سینده اؤلنلرین سایی ۱۱ نفره چاتیب.

بو باره‌ده «آوف۱» پورتالی یازیب.

***

آوسترییادا مکتب‌ده باش وئره‌ن آتیشمادان سونرا ۳۰-آ یاخین انسان خسته‌خانالارا یئرلشدیریلیب.

بو باره‌ده «کرونن زیتونگ» قزئتی یازیب.

"حاضردا ۲۸ یارالی خسته‌خانالاردادیر. اونلاردان ان آزی دؤردونون وضعیتی سون درجه آغیردیر"، - معلومات‌دا بیلدیریلیب.