اوکراینا پرزیدنتی ولادیمیر زلنسکی ایونون ۱۰-نا کئچه‌ن گئجه روسیانین اوکراینایا هجومونون نتیجه‌لرینی عکس ائتدیرن تأثیرلی فوتولار درج ائدیب.

Axar.az خبر وئریر کی، او، بو باره‌ده تلگرام کانالین‌دا پایلاشیم ائدیب.

زلنسکی پایلاشیمین‌دا آمریکا و آوروپانی صلحون برقرار اولماسی اوچون مسکوایا سرت تضییق گؤسترمه‌یه چاغیریب:

«روسیانین راکت و «شاهد» ضربه‌لری آمریکا و دنیانین دیگر اؤلکه‌لرینین مسکوانی صلحه مجبور ائتمک جهدلریندن داها گوج‌لودور. آرتیق بیر نئچه گئجه‌دیر کی، آتشکس عوضینه «شاهد»لر، قانادلی و بالستیک راکتلرین کوتلوی ضربه‌سی وار. بو گون کیئوه ان بؤیوک هجوملاردان بیری اولوب. اودسا، دنپر و چرنیگوو ولایتلری ده هدفه آلینیب».

اوکراینا پرزیدنتی وورغولاییب کی، همین گئجه هجوم‌دا روسلار ۲۵۰-سی «شاهد» اولماقلا ۳۱۵ عدد پوا-دان و ۲-سی شمالی کورئیا استحصالی اولان بالستیک راکت اولماقلا ۷ راکتدن استفاده ائدیب.