اسرائیل ایرانا هجومو بیر نئچه ایل عرضین‌ده حاضرلاییب و یوکسک روتبه‌لی حربی مأمورلار و عالیملر حاقیندا اطرافلی دوسیه‌لر توپلاییب.

Axar.az خبر وئریر کی، بونو اسرائیلین تهلوکه‌سیزلیک قوه‌لرین‌ده‌کی منبع بیلدیریب.

منبع‌نین سؤزلرینه گؤره، سحر ساعتلارین‌دا ایرانا قارشی حیاتا کئچیریلن "یوکسه‌لن شیر" عملیاتی اسرائیل اوردوسو، موساد و اسرائیلین مدافعه صنایع‌سی آراسیندا سیخ امکداشلیق چرچیوه‌سین‌ده حیاتا کئچیریلیب.

قید ائدک کی، اسرائیل حربی هاوا قوه‌لری بو گون سحر تئزدن ایرانین نووه و حربی بازالارینا ضربه‌لر ائندیریب. ضربه‌لر نتیجه‌سین‌ده ایرانین نطنزده‌کی نووه اوبیئکتی، تبریز و دیگر شهرلرده‌کی حربی و راکت بازالاری وورولوب، ایران سلاحلی قوه‌لرینین باش قرارگاه رئیسی، ژنرال-لیتنانت محمد باقری، اسلام انقلابی کئشیکچیلری کورپوسونون کوماندیری حسین سلامی، سپاه ژنرالی غلامعلی رشید و بیر نئچه نووه عالیمی اؤلدورولوبلر.