آمریکا پرزیدنتی دونالد ترامپ ایرانا هجوم ائتمک قرارینا گلرسه، هاوا هجوملارینا «گوریللا» لقبلی ژنرال رهبرلیک ائد‌جک. بو لقب آمریکا مرکزی کوماندانلیغینین (سنتکوم) یاخین شرق اوزره مسئول ظابطی مایکل کوریللانین سوی‌آدیندان گلیر.

Axar.az خبر وئریر کی. بو باره‌ده «پولیتیکو» نشری یازیب.

بیلدیریلیب کی، مدافعه ناظری پیت هگست قطعیتلی حربچییه تام اعتبار ائدیر. کوریللا آرتیق «نیمیتز» طیاره‌داشییان گمیسی‌نین رهبرلیک ائتدیی علاوه دونانما گؤندرمکله، همچینین علاوه اف-۲۲، اف-۳۵ و اف-۱۶ قیریجی و بومباردمانچی طیاره‌لرینی یئرلشدیرمکله آمریکانین بؤلگه‌ده‌کی حربی موجودلوغونو گوجلندیریب.

ژنرال کوریللانین عراق، افغانستان و سورییاداکی محاربه‌لرده تجربه‌سی وار. ۲۰۰۵-جی ایلده او، موصول-آ (عراق) هجوم‌دا اشتیراک ائدیب، اوچ دفعه یارالانیب، لاکین دؤیوشو داوام ائتدیریب. کوریللا شجاعتینه گؤره بیر نئچه «بورونج اولدوز» مئدالی آلیب. او، یاخین شرق‌ده‌کی وضعیته یاخشی بلددیر.