لومونوسوو آدینا موسکوا دولت اونیورسیتتی نین عالیملری و اونلارین آمئریکا بیرلشمیش شتاتلاردان اولان همکارلاری اینسان بدنینی کسمه دن داخیلی اورگانلاردا یارانمیش خرچنگ شیشلرینی داغیتماغا ایمکان وئرن اولتراسس سکالپئل – بیجاقلاآپاریلان عملیات متدودیکاسی ایشلییب حاضیرلاییبلار.

آخار.آذ خبر وئریر کی،بو حاقدا معلومات اولتراسس، فئرروالکترونیکا و تئزلیک کنترلو اوزره درج اولونوب.

"من تواضع کار سسلنمدیینی بیلیرم، اما بیزدن باشقا هئچ کیم بو کشفی بئله تئز و کیفییتلی ائده بیلمزدی. بوردا بیر چوخ تخنیکی – عددی و صرف علمی حصه لری نظره آلماق، ائلجه ده اهمیتلی تجربه لازیم ایدی"- دئیه لومونوسوو آدینا موسکوا دولت اونیوئرسیتئتینین پروفسورو وئرا خاخلووا آچیقلاما وئریب.

وئرا خاخلووانین فکرینجه، توخوملارین مخانیکی پارچالانما تئخنولوگییاسی اولتراسس جراحییه ده یئنی ایمکانلار آچیر: اونون حرکتلرینین پراقنوزلاشدیرماق اولار، تاثیرینی ایسه ساده اوزی ایله گورمک مومکوندور. بو اولتراسس سکالپلی نظارت ائتمه یه، همچنین بدنی یورمادان شیشلری دقیق و تئز زاماندا آرادان قالدیرماغا ایمکان وئریر.