روسییا خارجی ایشلر ناظرلیینین سؤزچوسو مارییا زاخاراوا خزریانی اؤلکه‌لرین (آذربایجان، ایران، قازاخستان، روسییا و ترکمنستان) اینفورماسییا ایشینه مسئول اولان دیپلوماتیک قوروملارینین دپارتامنت رهبرلرینین گؤروشونون تشکیلینی تکلیف ائدیب.

Axar.az خبر وئریر کی، او، بونو هشترخان شهرین‌ده کئچیریلن خزر مئدیا فورومونون اشتراکچیلارینا ویدئومراجعتینده بیلدیریب.

«اینانیرام کی، بیز خارجی سیاست قوروملارینین اینفورماسییا ایشینه جوابده اولان دپارتامنت رهبرلرینین خزر فورماتین‌دا گؤروشو باره‌ده ده دوشونه بیله‌ریک. دوشونوره‌م کی، بیر چوخ همکارلاریمیز قارشیمیزدا دوران وظیفه‌لرین عمومیلیینی نظره آلاراق بیزی دستکله‌یه‌جکلر»، - زاخاراوا دئییب.

دیپلومات قید ائدیب کی، خزریانی دولتلرین خارجی ایشلر ناظرلیکلرینین نماینده‌لرینین گؤروشو ایر‌لیله‌مک اوچون اساس کیمی کئچمیش‌ده موجود اولان مثبت قارشیلیقلی فعالیت تجربه‌سینه حصر اولونا بیلر:

«ظنیمجه، هئچ کیم مباحثه ائتمه‌یه‌جک کی، خزر رئگیونونون حقیقتها ده بؤیوک گلجه‌یی وار».