ایران پارلامنتی‌نین زنگزور دهلیزی علیهینه قبول ائتدیی بیانات بیرباشا اؤز پرزیدئنتلری مسعود پزشکیانا قارشی تخریبات‌دیر. پزشکیان زنگزور دهلیزینین علیهینه اولمادیغینی بیر نئچه دفعه سسلندیریب، او آذربایجانلا علاقه‌لری انکیشاف ائتدیرمک‌ده ماراق‌لی اولدوغونو سؤیله‌ییب. محافظه‌کارلار ایسه توتدوقلارینی بوراخمیر، دهلیزین علیهینه تخریباتچی آچیقلامالارینی داوام ائتدیریرلر.

Axar.az خبر وئریر کی، بو سؤزلری پولیتولوگ ائلخان شاهین‌اوغلو بیلدیریب.

«ایران پارلامنتی‌نین بیاناتین‌دا زنگزور دهلیزینین «تانینمیش سرحدلرین دییشدیریلمه‌سی و زورلا کوریدورلارین یارادیلماسی» آنلامینا گلدیی بیلدیریله‌رک، بونون ب‌ام‌ت نیظامنامه‌سینه ضد اولدوغو قید ائدیلیب. اگر زنگزور دهلیزی ایرانلی دپوتاتلارین سؤیله‌دییی کیمی، ارمنستان سرحدلرینین دییشدیریلمه‌سی‌دیرسه، بو اؤلکه‌نین باش ناظری نیکول پاشینیان نیه دهلیزین تیکینتی‌سی و ایشله‌دیلمه‌سی تکلیفینی قبول ائدیب؟ ارمنستان اراضی‌سین‌ده دمیر یولو تیکینتی‌سی نه واخت‌دان ب‌ام‌ت نیظامنامه‌سینه ضیددیر؟ محافظه‌کارلار دهلیزین تیکینتی‌سینه مانع اولا بیلمه‌یه‌جکلر، اونلارین اساس هدفی مسعود پزشکیان‌دیر، بو جور «بیاناتلارلا» اونون قونشو دولتلرله مناسیبتلری نورماللاشدیرماق سیاستینه مانع اولماق ایسته‌ییرلر»، - پولیتولوگ قید ائدیب.

خاطیرلاداق کی، ایران پارلامنتی زنگزور دهلیزینی «ایران اوچون تهدید» آدلاندیریلیب. بیانات‌دا «تانینمیش سرحدلرین دییشدیریلمه‌سی، مجبوری دهلیزلرین یارادیلماسی و یا زنگزور دهلیزی کیمی لاییحه‌لرین حیاتا کئچیریلمه‌سی اوچون ایسته‌نیلن آددیمین رئگیون اؤلکه‌لرینین ماراقلاری ایله بیر آرایا سیغمایاجاغی و بیرباشا کوللکتیو تهلوکه‌سیزلییه تهدید اولاجاغی» ادعا ائدیلیب.