یاخین شرق‌ده محاربه باشا چاتدیقدان سونرا سرحدلر یئنی‌دن فورمالاشاجاق.

Axar.az خبر وئریر کی، بونو احتیاط‌دا اولان آمریکالی سرهنگ دوگلاس ماک‌گور «ترت وورلد»ا آچیقلاماسیندا دئییب.

«بیرینجی دنیا محاربه‌سینین میراثی آرتیق قوه‌ده دئییل. «سایکس-پیکو» سازشی ایله قورولان نظام باشا چاتیب، آرتیق موجود دئییل. اوزون‌مددت‌لی پرسپکتیوده وارلیغینی قورویوب ساخلایاجاق ۳ ملی دولت استروکتورو یارادیلاجاق. بونلار اصلینده «سیویلیزاسییا دولتلری»دیر.

بیرینجی‌سی ایران‌دیر - بیزیم ایران آدلاندیردیغیمیز، لاکین هله ده پرسیا کیمی خاطیرلانان اؤلکه.

ایکینجی‌سی عثمانلی امپرییاسینین میراثینی داشییان تورکیه‌دیر. تورکیه اؤزونه‌مخصوص سیویلیزاسییا کونسپ‌سییاسینا مالیک دولتی‌دیر.

اوچونجوسو ایسه مصردیر»، - سرهنگ علاوه ائدیب.

او بیلدیریب کی، بؤیوک بریتانیا، فرانسه و آمریکا کیمی امپریالیست گوجلر طرفیندن معین ائدیلمیش کهنه سرحدلرین و موجود استروکتورلارین اکثریتی یوخ اولاجاق:

«رئگیونون قالان حیصه‌سینین نئجه فورمالاشاجاغینا یوخاریدا قید ائتدییم ۳ گوج قرار وئره‌جک. منیم فیکریمجه، بو پروسسی معین ائد‌ن اساس آکتورلار تورکیه و ایران اولاجاق. همین واخت گلدیک‌ده، امید ائدیره‌م کی، بو ایکی گوج فیکیر آیریلیقلارینی ممکن قدر حل ائتمک و یئنی ثابت‌لیک یاراتماق اوچون کیفایت قدر مدریک و چئویک داوراناجاقلار. چونکی آمریکا آرتیق اورادا اولمایاجاق».

خاطیرلاداق کی، «سایکس-پیکو» سازشی بیرینجی دنیا محاربه‌سی زامانی، ۱۹۱۶-جی ایلین مای آییندا بؤیوک بریتانیا و فرانسه آراسیندا امضالانمیش مخفی سازش‌دیر. سازش عثمانلی امپرییاسینین یاخین شرق‌ده‌کی تورپاقلارینین محاربه‌دن سونرا بو ایکی دولت و متفیقلری (روسیه امپرییاسی و ایتالیا) آراسیندا بؤلوشدورولمه‌سینی نظرده توتوردو.